كتبت خلود التوم
عبر فيسبوك
ردا” على منسق الاعلام بتيار المستقبل عبد السلام موسى اللي قال انو المشاركة بالانتخابات بتعطي شرعية لحزب الله..
١_ تعيشوا وتفيقوا
شكلتوا حكومات مع حزب الله قبل ما يطلع الحكم عن المحكمة الدولية بقضية اغتيال الشهيد رفيق الحريري
٢_ شتتوا الجمهور السنّي وشتتوا تيار المستقبل بدل ما توحدوه
٣_ انو يكون في ٦٠ معارض لحزب الله بالبرلمان احسن ما يكونوا ٤٠ هيدا اذا افترضنا انو حزب الله رح ياخد الاكترية مع حلفاؤو
٤_ السلاح اللي بيستعملو حزب الله مع كل استحقاق رئاسي وافشال اكتمال نصاب الثلثين فيك انت تستعملو مع حلفائك للتعطيل بما انو التعطيل بيدخل بصلب العملية الديمقراطية بما انو ما في تحديد للمهل القانونية لانتخاب الرئيس
٥_ انت مع معارضين فيك تعطل قوانين بدا نصاب لان اوقات يمكن تلتقى مع اللي بالمقلب الاخر حول موضوع ما (تقاطع مصالح)
٥_ الشهيد رفيق الحريري وافق البطريرك صفير ب ٩٢ بوجوب مشاركة المسيحيين بالانتخابات النيابية
٦_ فيكن تقدموا اقتراحات قوانين لتسيير امور الناس ولنهضة مجتمعكن ودولتكن وفيكن تساءلوا الوزرا متل ما عملت القوات اللبنانية بمساءلة وزير الخارجية والمغتربية عبر الرقابة البرلمانية
٧_ خلولكن صاحب!!! مين كان اجرأ برئاسة الحكومة الحريري او السنيورة؟ نسيتوا شو عمل السنيورة ب ٧ ايار!!
لا خليتوا حليف حدكن ولا صديق ولا مناصر
٨_ خليكن ع جنب قاطعوا وسلموا البلد ع طبق من فضة لحزب الله وقولوا للعرب وللمجتمع الدولي انو حزب الله عندو اكثرية وثبتولو شرعيتو اكتر واكتر عبر البرلمان وبطبيعة الحال بالحكومة .. وسلام