من بين الأسلحة يلي صادرها الجيش بمداهمة بعلبك قناصة شتاير النمساوية.
هيدي النقاصة حديثة وعمرها فقط ١٨ سنة وما بيملكها إلا جيوش نظامية او ميليشيات واحزاب مسلحة بتدعمها دول معينة مثل حزب الله وحركة حماس مثلا”.
هيدي القناصة ما بتنباع بالسوق السوداء مثل قناصة دراغانوف الروسية او اي قناصة عادية أخرى ويصل مداها الفعال اي القاتل لل١٥٠٠ متر.
والبلد الوحيد بالعالم يلي ممكن يحصل عليها المواطن فيه هو أمريكا وحتى بأمريكا بدك مليون قصة لتحصل عليها بسبب حجم خطورتها.
وحتى ان الجيش اللبناني ما بيملك منها غير كميات قليلة جدا”.
يعني وجود قناصة من اخطر وأحدث القناصات مع هالمجموعة إذا كان بدل هالشي على شيئ بدل على قوة هالمجموعات يلي صارت اقوى وأخطر من اي ميليشيا او مجموعة او فئة مسلحة الإعلام بسلط الضوء عليها ليل نهار داخل لبنان.
تصوروا لو هالقناصة موجودة بطرابلس او عرسال او صيدا شو كان صار ؟؟
اكيد الإعلامية ندى اندراوس عزيز او الإعلامي إدمون ساسين او قناة الجديد ما رح يقبلوا يمر هالخبر مرور الكرام وأكيد كانوا ما رح يقبلوا إلا ما يسلطوا الضوء على هالموضوع ويحكوا عن خطورة هالقناصة والمجموعة يلي بتملكها.
ولكن بما أن هالقناصة ورغم خطورتها موجودة مع مجموعة تجار مخدرات عم يخدروا عقول الشباب والبنات ويساعدوا على نشر الفساد والإنحلال فعادي ويكون معهم هيك قناصة.